ပိတ်မရ ရွေ့မရတဲ့ Trojan.Winlock

အခု တစ်ရက် နှစ်ရက်အတွင်း ဖြစ်နေတဲ့ (ဖြစ်နေဆဲ) ဗိုင်းရပ် တစ်ခုကို ပြောပြမလို့။ လက်ရှိ လက်လှမ်းမှီသလောက် လေးလုံး ရှိပြီပေါ့။ သိပ်ဆိုးဆိုး ရွားရွားကြီးတော့ မဟုတ်ပါဘူး။ ကွန်ပျူတာ ဖွင့်ဖွင့်ချင်း desktop ပေါ်တာနဲ့ window box တစ်ခု အရှေ့ကနေ always top ဖြစ်ပြီး (Start menu မှ အပ) အားလုံးကို ကွယ်ထားလိမ့်မယ်။ သူက code နံပါတ် တွေ ပြထားပြီး နောက်ထပ် code တစ်မျိုးမျိုး submit လုပ်ပေးဖို့ အကွက်လွတ်တစ်ခု ပါလိမ့်မယ်။ (ပုံစံတူ အမျိုးမျိုး ရှိလို့ သင့်တော်သလောက်ကို အောက်မှာ ဖော်ပြလိုက်ပါတယ်။ အချို့မှာ porn ပုံတွေနဲ့ပေါ်တာလည်း ရှိပါတယ်)


အထက်ပါ ပုံများနှင့် အလားတူသော windows box ဟာ desktop ပေါ်ပေါ်ချင်းမှာပဲ အားလုံးရဲ့ အပေါ်က ကွယ်နေပြီး စက်လေးနေပါလိမ့်မယ်။ task manager ခေါ်လို့ မရတော့ပါဘူး။ အရွယ်အစားမျိုးစုံ ရှိပြီး ရွေ့မရ၊ ပိတ်မရ ဖြစ်နေတဲ့အတွက် အခြားနည်းတွေနဲ့ ကြိုးစားဖို့လည်း အတော်ခတ်ပါတယ်။ ပေါ်နေတဲ့ကောင်က အရွယ်ကြီးလေ ပိုဆိုးလေပဲပေါ့။ ၎င်းအရာကို ပိတ်ပစ်နိုင်ဖို့ အောက်ပါ နည်းအတိုင်း လုပ်ဆောင်နိုင်ပါတယ်။ အခြားသော internet သုံးနိုင်တဲ့ စက်တစ်လုံးမှာ အောက်ပါလင့် ဆီသို့ သွားပါ။

http://news.drweb.com/show/?i=304
Dr. web ဆိုဒ်ရဲ့ ပို့တစ်ခု ဖြစ်ပါတယ်။ (ကျေးဇူးသွားတင် မနေနဲ့ဦး။ ဈေးကွက်စီးပွါးရေးစနစ် ဆိုတော့ သိတယ်ဟုတ်)
အောက်ပါပုံအတိုင်း ဥပမာ ပြထားပြီး သူ့ရဲ့အောက်မှာ insert text box တွေနဲ့ generator ကို တွေ့ပါလိမ့်မယ်။

အထက်ပါအတိုင်း ဥပမာပြထားတဲ့ပုံမှာ တွေ့ပါလိမ့်မယ်။ အားလုံးလိုလိုက code နံပါတ် နှစ်မျိုးစီ ပါကြပါတယ်။ တစ်ခုက ခုနှစ်လုံးနှင့် အထက်ဖြစ်ပြီး နောက်တစ်ခုက လေးလုံး ဖြစ်ပါတယ်။ ပုံရဲ့အောက်က SMS text ဆိုတဲ့ နေရာမှာ မိမိမှာပေါ်နေတဲ့ ကုဒ်နံပါတ် အရှည်ကို ရိုက်ထည့်ပြီး OK နှိပ်လိုက်ပါ။ ခဏအတွင်း try ဆိုပြီး code တွေ အောက်မှာ ပေါ်လာပါတယ်။

အဲဒီ code တစ်ခုကို မိမိစက်မှာ ပေါ်နေတဲ့ windows box ရဲ့ အကွက်လွတ်မှာထည့်ပြီး ပါတဲ့ခလုပ်ကို နှိပ်ပေးလိုက်ပါ။ ချက်ချင်း ပျောက်သွားမှာ ဖြစ်ပါတယ်။ internet ချိတ်ထားရန် မလိုပါဘူး။

တကယ်လို့ မိမိမှာပေါ်တဲ့ code ကို မတွေ့ခဲ့ဘူး (သို့) မပါခဲ့ဘူးဆိုရင် အဲဒီ generator ရဲ့အောက်မှာ ပုံတွေ တွေ့ပါလိမ့်မယ်။ ထောက်လိုက်တာနဲ့ ပုံကြီးနဲ့ ပြပါတယ်။ မိမိနဲ့ တူရာကို ရှာပါ။ တွေ့ခဲ့ရင် ပုံပေါ်မှာ click တစ်ချက် နှိပ်လိုက်ပါ။ အောက်က အကွက်လွတ်မှာ Trojan နာမည်နဲ့ code ပေါ်ပါလိမ့်မယ်။ အဲဒီက ကုဒ်ကို ကူးပြီး အပေါ်ကအတိုင်း generator မှာ ထည့်နှိပ်လိုက်ရုံပါပဲ။

မိမိမှာ အခု မဖြစ်သေးဘူး ဆိုရင်တော့ link လေးနဲ့ code ဖော်နည်းလေးကိုတော့ မှတ်ထားသင့်ပါတယ်။ တကယ်လို့ ဖြစ်လာတဲ့အချိန်မှဆို ဘာမှကို လုပ်မရတော့ဘူးလေ။
အထက်ပါရေးသားခဲ့မှုများက ထို box ပျောက်သွားရန် နည်းလမ်းသာ ဖြစ်ပါတယ်။ ဆက်လက်၍ ဗိုင်းရပ် ကျန်မကျန်၊ ဖိုင်တွေနဲ့ အခြား လုပ်ငန်းစဉ်တွေကို နှောင့်ယှက်နိုင်ချင်း ရှိမရှိက မသေချာပါဘူး။ အဲဒီတော့ ဒီနည်းနဲ့ ပိတ်ပြီးရင် သိမ်းသင့်တာတွေသိမ်းပြီး ၀င်းဒိုး ပြန်တင်သင့်ပါတယ်။ Dr.web ကိုလည်း ကျေးဇူးတင်မနေနဲ့။ ဒီလောက် code တွေ အမျိုးအစားတွေ အားလုံးကိုလည်းသိတယ်၊ generator တောင်လုပ်ပေးထားတယ်ဆိုတော့ ဒင်းလက်ချက် ဖြစ်ဖို့များပါတယ်။