တစ်နေ့ စာအုပ်စင်များ၊ စာအုပ်သေတ္တာများကို ပြန်လည် ရှင်းလင်းရင်း လက်ကမ်းစာစောင်ကို သွားတွေ့လေသည်။
ထိုလက်ကမ်းစာစောင်လေးမှာ ကျွန်တော်တို့ငယ်စဉ် (၁၉၇၁)ခုနှစ် အာဇာနည်နေ့အထမ်းအမှတ် အဖြစ် အစိုးရမှ
ထုတ်ဝေသော လက်ကမ်းစာစောင်လေး ဖြစ်လေသည်။ ထိုလက်ကမ်းစာစောင်တွင် ဗိုလ်ချုပ်အောင်ဆန်း၏အတ္ထုပ္ပတ္တိ
အကျဉ်း၊ ဗိုလ်ချုပ်အောင်ဆန်းပြတိုက်၊ ဗိုလ်ချုပ် အောင်ဆန်းမိန့်ခွန်းမှ ကောက်နုတ်ချက်များ၊ မိသားစုဓာတ်ပုံများနှင့်
ဆရာဇေယျ၊ ဆရာဇော်ဂျီ၊ ဆရာမင်းသုဝဏ်တို့၏ ကဗျာများကိုသေသေသပ်သပ်၊ ခန့်ခန့်ညားညားဖြင့်
စိုက်နှိပ်ထားသည်။
ထိုလက်ကမ်းစာစောင်လေးတွင် ကျွန်တော်၏ စိတ်အားအဆွဲဆောင်နိုင်ဆုံးမှာ ဗိုလ်ချုပ်အောင်ဆန်း၏လက်ရေး၊
လက်မှတ်တို့ကို ပြန်လည်ကူးယူဖော်ပြထားသော စာတိုလေးပင်ဖြစ်သည်။
ထိုစာတိုလေးမှာ---
“ကြည် ... ပဲပြုတ်နှင့် နံပြားရရင်စားချင်တယ်။ အောင်ဆန်း” ဟူ၍ ဖြစ်သည်။
ထိုစာလေးမှာ တိုတောင်း လှစွာ၏ သို့သော်စကားတွေ အများကြီးပြောနေသည်ဟု ကျွန်တော်ထင်ပါသည်။ ဇနီးသည်
၏ အမည်အား အဖျားဆွတ်၍ ခေါ်ဝေါ်လိုက် ပြီးနောက်--- သူတောင်းဆိုသော အစားအစာကိုလည်း ကြည့်ပါဦး--။
တကယ့်တန်ဖိုး ကြီးမာသော ဘိုဆန်သော အထက်တန်းကျသော အစားအစာများမဟုတ်ပါ၊ “ပဲပြုတ်နှင့်နံပြား” သာဖြစ်
ပါသည်။ အာသာဆန္ဒစားလို့ လှ၍ တောင်းဆိုထားပုံမှာ မိခင်ထံ သားငယ်က မ၀ံမရဲဖြစ် တောင်းဆိုထားသကဲသို့ ခံစားရ
ပြီးလျှင် ယင်းစာလေးကို ဖတ်၍ ဗိုလ်ချုပ်အောင်ဆန်းအပေါ်သနား ကရုဏာသက်မိသည်။ ၀င့်ဝါပလွှားခြင်း၊ တပ်မက်မှု
ပြင်းထန်းခြင်းကင်းသော ခြိုးခြံချွေတာသော ဗိုလ်ချုပ်အောင်ဆန်းအပေါ် လေးစားအထင်ကြီးသော စိတ်တို့သည်
ကျွန်တော်ရင်ဝယ် လှိုင်းတံပိုးနှယ် လှုပ်ရှားစိုက်ခတ်မိတော့သည်။
စာတိုလေးထဲမှာ “ရရင်” ဟူသော အသုံးအနှုန်းမှာလည်း အတင်းအကြပ်မဟုတ်၊ “မရနိုင်၊ မဖြစ်နိုင်၊ မစီမံနိုင်လျှင်
လည်းကိစ္စမရှိပါ” ဟူသော သဘော၊ စီစဉ်ပေးမည့် ဇနီးအားညှာတာလေသည့်၊ အားနာလေသည့်သဘောတို့ သက်ဝင်
နေသည်။ “နေရာတကာ၊ ငါဖြစ်ချင်တာ၊ ငါလိုချင်တာဖြစ်ရမယ်” ဟူ၍စေခိုင်း ခြင်းမဟုတ်၊ ညှိနှိုင်း၍ တောင်းဆိုတက်
သော စိတ်ထားကိုတွေ့ရသည်။
လူတစ်ယောက်ပြောသောစကား၊ ရေးသောစာမှ ထိုသူ၏စိတ်နေစိတ်ထားကို ယေဘုယျသိနိုင်ပါသည်။
ယခု ကျွန်တော်တင်ပြသော ဗိုလ်ချုပ်အောင်ဆန်း၏ စာလေးကို ဖတ်ကြည့်ခြင်းဖြင့် အာဇာနည် ယောကျာ်းကောင်း
ယောကျာ်းမြတ် တစ်ယောက် စိတ်ဓါတ်ကို ဘက်စုံထောင်စုံမှဆင်ခြင်စဉ်စား သိရှိနိုင်ပါသည်။
ဗိုလ်ချုပ်အောင်ဆန်းကဲ့သို့သော အဖိုးတန်သောယောကျာ်းကောင်းယောကျာ်းမြတ်များ ကျွန်တော်တို့နိုင်ငံတွင် အမြောက်
အများ အပေါ်ပေါက်စေချင်ပါသည်။
“ငါတို့ဗမာပြည်ဝယ် အမိအဖတိုင်းက ကွယ်ဗိုလ်အောင်ဆန်းလို သူရဲကောင်းတွေ မွေးကြရမယ်--” ဟူသော အဆိုတော်
ဦးမြကြီး၏ သီချင်းစာသားလေးကို သတိရမိပါသည်။ “ဗိုလ်အောင်ဆန်း” ကဲ့သို့သော တိုင်းပြည်နှင့် လူမျိုးအပေါ်အသက်
ပေး၍ ချစ်မြတ်နိုင်းသော သူရဲကောင်များ ပေါ်ပေါက်လာစေ ရန်မှာ မိဘများတွင်သာမဟုတ်ပါ။ ဆရာ ဆရာမများ
အားလုံးတွင်လည်း တာဝန်ရှိပါသည် ဟု ကျွန်တော်တွေးတောဆင်ခြင်နေမိပါသည်။
ဩော်----ကျွန်တော်တို့အားလုံး၏ ကျေးဇူးရှင် “ဗိုလ်ချုပ်အောင်ဆန်း” သည် သူစားလိုသော ပဲပြုတ်နှင့်နံပြားကိုပင်
နေ့စဉ်မှန်မှန်စားမှ စားသွားရပါလေစ ----။
ဦးမြင့်ငွေ(မော်ကျွန်း)
အတွဲ(၁)၊ အမှတ်(၄၀)
0 comments:
Post a Comment