CDMA 800 MHZ ဖုန်းများကို CDMA 450 MHZ ဟန်းဆက် ပြောင်းလဲရန် မလိုဘဲ တစ်နိုင်ငံလုံးတွင် သယ်ဆောင် အသုံးပြုနိုင်တော့မည် ဖြစ်ကြောင်း မြန်မာ့ဆက်သွယ်ရေး လုပ်ငန်းမှ သိရသည်။ ယင်းကဲ့သို့ ဆောင်ရွက်နိုင်ရန် မော်လမြိုင်၊ တောင်ကြီး၊ ပုသိမ်၊ တောင်ငူ၊ ပြင်ဦးလွင်၊ မကွေး၊ မြစ်ကြီးနား၊ လားရှိုး၊ မုံရွာမြို့တို့၌ ဆက်သွယ်ရေး စခန်းများ တည်ဆောက်လျက် ရှိကြောင်း သိရသည်။ “သက်ဆိုင်ရာ ပြည်နယ်နဲ့ တိုင်းဒေသကြီးရဲ့ မြို့ကြီးတွေမှာ စခန်းတွေ စဆောက်နေပြီး စီမံကိန်းပြီးတာနဲ့ တစ်နိုင်ငံလုံး သယ်လို့ရမှာပါ” ဟု မြန်မာ့ဆက်သွယ်ရေး လုပ်ငန်းမှ တာဝန်ရှိသူက ပြောသည်။အဆိုပါ ဖုန်းများကို ယခုလက်ရှိတွင် ရန်ကုန်၊ မန္တလေး၊ နေပြည်တော် တို့တွင်သာ အသုံးပြုနိုင်ကြောင်းနှင့် အခြားမြို့များသို့ သယ်ဆောင် အသုံးပြုပါက CDMA 450 ဟန်းဆက် အတွင်းသို့ SIM Card ပြောင်းလဲ ထည့်သွင်း အသုံးပြုရသည်။ CDMA 800 MHZ ဖုန်းများကို ၂၀၁၀ နှစ်ဆန်းပိုင်းက စတင်ချပေးခဲ့ပြီး ယခုအချိန်ထိ အလုံးရေ သုံးသိန်းရှစ်သောင်းကျော် အသုံးပြုနေကြောင်းနှင့် စခန်းပေါင်း (၁၄၀) ကျော် ရှိကြောင်း သိရသည်။ ယင်းဖုန်းများကို ၂၀၁၁ နှစ်ဆန်းပိုင်းက ယာယီရပ်ဆိုင်းခဲ့ပြီး ၂၀၁၁ အောက်တိုဘာ လဆန်းပိုင်းမှစ၍ One Stop Service ဖြင့် ပြန်ချပေးနေကြောင်း သိရသည်။ “အလုံးရေ ကန့်သတ်မရှိ ချပေးမှာပါ” ဟု အထက်ပါ တာဝန်ရှိသူက ပြောသည်။
0 comments:
Post a Comment